चाडपर्व नजिकिँदै गर्दा कालोबजारी नियन्त्रण गर्न प्रशासनले कडा कारबाही थालेको छ। काठमाडौं, पोखरा र विराटनगरमा संयुक्त अनुगमन टोलीले बजार निरीक्षण गरिरहेको छ।
महंगी नियन्त्रण गर्न भन्दै सरकारले तोकेको मूल्यभन्दा बढी लिने व्यापारीहरूलाई पक्राउ गरिएको छ। अहिले सम्म १२ जना व्यापारीलाई कारबाही गरिएको छ।
उद्योग वाणिज्य मन्त्रालयले उपभोक्ता अधिकार उल्लंघनमा शून्य सहनशीलता अपनाउने जनाएको छ।
सर्वसाधारणले पनि अनलाइनमार्फत उजुरी गर्न सक्ने व्यवस्था गरिएको छ। बजारमा नापतौलमा समेत अनियमितता देखिएको अनुगमन टोलीले जनाएको छ।
यसअघि दशैंताका पनि प्रशासकीय टोलीले ३५ वटा पसलमा जरिवाना गरेको थियो। तर, लामो समयको निगरानी नहुँदा समस्या दोहोरिएको उपभोक्ताहरूको गुनासो छ।
