प्रमुख विपक्षी दलले संसद् र सडक दुबै मोर्चाबाट सरकारविरुद्ध आन्दोलन गर्ने घोषणा गरेको छ। मूल्यवृद्धि, भ्रष्टाचार र बेरोजगारीविरुद्ध जनताको आवाज बुलन्द गर्न पार्टीले मंसिरदेखि देशव्यापी आन्दोलनको तयारी गरेको हो।
पार्टीका महासचिवले भने, “सरकारले जनताको ढाडमाथि करको भारी बढाएको छ, हामी जनताको आवाज संसद्मा मात्रै होइन सडकमा पनि उठाउनेछौं।”
आन्दोलनका क्रममा पहिलो चरणमा जिल्ला सदरमुकाममा सभा हुने र दोस्रो चरणमा राजधानी केन्द्रित प्रदर्शन गरिनेछ।
सरकारले भने विपक्षीको आन्दोलनलाई ‘राजनीतिक नौटंकी’ भन्दै बेवास्ता गरेको छ।
राजनीतिक विश्लेषकहरूका अनुसार यो आन्दोलनले राजनीतिक समीकरण फेरिने सम्भावना समेत राख्छ।
